Pejalai Pengidup

Pejalai pengidup kitai mensia bepun ari Allah Taala ke ngaga nempa pengidup kita ari pengasih Iya ti besai ke mensia. Allah Taala udah nemu kini tunga pejalai kitai. Enti piak nama tuju pejalai kitai enti Allah Taala udah nemu? Kitai enggau naka ulih nyerah ke diri, anticipate, participate ukai semina passively tang actively dalam pejalai pengidup kitai!
Taja kadang2 kitai ngasai ke pemerat tauka penusah pejalai nitih ke Allah Taala tang maya kitai ngasai kediri Allah Taala nganjung penyaup@penulung ngiring pejalai kitai! Maya kita suntuk teparuk senang lantang melikat penyaga semampai ba tisi kitai. Andal ke tu tau meri pengelantang dalam pejalai kitai tu!


Allah Taala sigi meri awak endur kitai belelak sereta betati ke penungga tuju jalai pengidup. Beterima kasih ke Allah Taala ketegal pengelantang lalu mega ke penusah di di asai kitai! Nyema kitai ulih pengelantang, maya penusah patut kita mega nerima enggau ati tebuka! Besembiang ukai deka di peda orang kudus tang mega ngaku sereta nyerah ke pejalai pengidup ngagai Allah Taala.


Ba Allah Taala semua kitai sebaka magang. Reti nyak enda milih indu tauka lelaki kitai tu anak Allah Taala magang! Sigi patut kitai meri puji basa ke Iya siko aja!

Dini dua tauka tiga begempuru dalam nama Aku(Jesus) aku bisi enggau kita!! Suah mega kitai ngasai ulih bejalai kediri tang manah mega enti bisi pangan mantu kitai ukai maya senang tang maya tusah mega!

Sekeda ari kitai kadang2 kelanjur pengawa tang nadai salah malik kebelakang meda pengawa ti enda ngenyenangka Allah Taala. Ukai reti kitai alah tang ngadu ke pendiau pengidup enggau lebih manah agi kelebih agi pengawa ti mai pengelantang ke Allah Taala!

Pejalai pengidup bisi meh maya kitai baka ke niki tangga! Nyingkang genap gigi tangga siti-siti! Retinya kitai ngelala ni bagi pengawa ti patut dikereja dulu. Nemu bagi priority dalam pengidup kitai! Tusah senang di pansa dalam pengidup kitai nuju pejalai ngagai Allah Taala!

Nama meh pengujung pejalai tu deh? Kitai ba dunya tu semina dunya injau aja! Dunya meruan begulai enggau Allah Taala nyak tuju pejalai pengidup tu! Patut maya kitai betati ke pemati ukai pengujung pejalai pengidup tang ngepun ke pengidup kitai begulai enggau Allah Taala ba menua amai kitai laban nya kangau pejalai pengidup kitai ba dunya tu!!

PIOBALANJUN.COM